為以武制暴正名
咩叫暴力？
濫用權力或者武力就係暴力。
咩叫武力？
任何可以造成傷害或者壓制既力量或者手段都係武力，小至手腳，大至棍棒，當被用於攻擊或者阻嚇既時候就係武力，槍炮更加唔洗講。武力本身無問題，濫用武力先係問題。
咩叫濫用？
絕大部份文明國家都禁止一般市民打人傷人，甚至警察係使用武力既時候，佢地都必須跟據指引，係唔同情況下採取唔同程度既適當武力。正因為咁，所以運動既訴求之一，並唔係警察擁有武力，而係佢地無跟指引使用武力，咁為之濫用暴力。
咁一般人係咪任何情況下都唔可以使用武力呢？唔係，如果有人無故打人，或者意圖打人，而你反抗還手或者作出預防，甚至救人，咁算唔算暴力呢？唔算，相反，你係用你既武力制止咗佢既暴力，即係所謂以武制暴。
所以，以武制暴，非但唔係暴力，更加係一種制止暴力既和平行為，係正義，正當，甚至係以前係值得拎好市民獎既正面行為黎。
武力就好似一支槍，係好人手上就係和平，係壞人手上就係暴力。
Search